ИМ СЕ ЗАКАНУВАЛЕ ДЕКА ЌЕ ГИ ОТПУШТАТ ОД РАБОТА, АКО ГЛАСААТ Полицијата поднесе кривични пријави за 2 лица од Кочани
Двете лица на 4 граѓани од Кочани им се заканувале дека ќе ги отпушптат од работа.
ОВР Кочани до надлежното ОЈО Кочани поднесе кривична пријава против Р.А. (54) и Б.Ш. (46) од Кочани поради основано сомнение дека сториле кривични дела „повреда на слободата на определување на гласачите” по чл. 160 ст.1 в.в.член 19 од КЗ, соопшти полицијата.
Оттаму соопштија дека добиле пријава од граѓани.
„ Утврдено е дека во периодот од 08.10.2021 до 15.10.2021 година во повеќе наврати Р.А. и Б.Ш. со намера да ги спречат да си го извршат избирачко право, им се заканувале на А.Д., С. Д., А.И. и З.М., сите од Кочани дека ќе бидат избркани од работа и ќе им бидат одземени други права доколку излезат на гласање и гласаат за партијата чии симпатизери се“, се вели во соопштението.
Според полицијата, сомничените лица се пронајдени и повикани во ОВР Кочани, извршени се консултации со Дежурен ОЈО Кочани и против двајцата е поднесена кривична пријава до ОЈО Кочани.