„ПРИЗНАВАТЕ ЏИХАДИСТИЧКА ДРЖАВА ДО ИЗРАЕЛ КОЈА МОЖЕ УТРЕ ДА СТАНЕ ЗАКАНА ЗА БРИТАНИЈА“ Нетанјаху го обвини Стармер дека го наградува монструозниот тероризам на Хамас
Израел ја отфрли изјавата на Кир Стармер, оценувајќи ја како „награда за Хамас“. Според Ерусалим, плановите на Велика Британија го поткопуваат напредокот кон прекин на огнот во Газа и ја отежнуваат работата на посредниците за ослободување на заложниците.
Премиерот на Израел, Бенјамин Нетанјаху, го обвини британскиот премиер Кир Стармер дека ја наградува „монструозната терористичка дејност на радикалното движење Хамас“, откако Лондон најави планови за признавање на палестинската држава, објави европски Политико.
„Стармер ја наградува монструозната терористичка дејност на Хамас и ги казнува нејзините жртви. Џихадистичка држава на границата со Израел денес ќе биде закана за Британија утре. Тоа нема да се случи“, напиша шефот на израелската влада на англиски на социјалната мрежа Икс.
Претходно, израелското Министерство за надворешни работи соопшти дека Израел ја отфрла изјавата на Стармер, нарекувајќи ја „награда за Хамас“. Во соопштението се додава дека плановите на Лондон му наштетуваат на напорите за постигнување прекин на огнот во Газа и за ослободување на заложниците.
Во вторникот, кабинетот на Стармер објави изјава во која се вели дека Велика Британија ќе ја признае палестинската држава пред седницата на Генералното собрание на ОН во септември, доколку Израел продолжи да го блокира хуманитарниот пристап до Газа и да води воена операција во енклавата.
На 24 јули, францускиот претседател Емануел Макрон изјави дека Париз ќе ја признае државата Палестина на седницата на Генералното собрание на ОН во септември.
ВЕЛИКА БРИТАНИЈА НАЈАВУВА МОЖНО ПРИЗНАВАЊЕ НА ПАЛЕСТИНА Одлуката зависи само од Израел