ИГРАЛИШТЕТО ВО СЕЛО ВЛАЕ Е БЕЗБЕДНО Екипи од ЕВН утврдиле дека нема присуство на напон
По пријава од општина Карпош за постоење на статички електрицитет на ограда од игралиште во село Влае, екипи на ЕВН и на општината излегоа на терен при што е утврдено дека нема присуство на напон и дека е безбедно за употреба. По извршената проверка игралиштето повторно е пуштено во употреба, соопшти Општина Карпош.
Можеби ќе ве интересира
Претходно, екипи од ЕВН и од Општина Карпош извршиле контрола на детското игралиште на улицата Франце Прешерн во населбата Влае, откако граѓани пријавиле појава на статички електрицитет.
При контролата е потврдено дека станува збор за статички електрицитет кој не претставува опасност по животот на децата, но сепак било донесено решение за превентивно затворање на игралиштето до целосно решавање на проблемот.