ИДИОТИЗАМ Е НА СЕКОИ ДВЕ ГОДИНИ ДА СЕ ОДРЖУВА МУНДИЈАЛОТ Блатер вели дека фудбал и онака има премногу
Идиотизам, не може поинаку да се нарече. Има и моја вина, бидејќи кога првпат бев избран за претседател на ФИФА реков дека можеме да го одржуваме Светското првенство на секои две години. Но, луѓето околу мене рекоа дека грешам. Календарот е веќе преоптоварен, вели Блатер.
Поранешниот претседател на Интернационалната фудбалска асоцијација(ФИФА), Џозеф Блатер ја критикуваше идејата за одржување на Мундијалот на секои две години.
– Идиотизам, не може поинаку да се нарече. Има и моја вина, бидејќи кога првпат бев избран за претседател на ФИФА реков дека можеме да го одржуваме Светското првенство на секои две години. Но, луѓето околу мене рекоа дека грешам. Календарот е веќе преоптоварен. Треба да играат најдобрите, но веќе се преоптоварени со натпревари за клубови и игри во репрезентацијата. ФИФА се базира на клубови, а не на репрезентации. Тоа е глупост. Светско првенство на секои две години е невозможно, тоа е лошо за фудбалот – порача Блатер.
Против идејата Светското првенство да се одржува на две години се произнесоа и голем број фудбалски ѕвезди, кои се жалат и на густиот натпреварувачки календар.