И во охридско-струшкиот регион навреме почна гласањето

Сите 89 избирачки места во Општина Охрид се отворени навремено и гласањето на парламентарните избори се одвива непречено. Право на глас имаат 52.510 граѓани на Охрид вклучувајќи ги и  иселениците.

Заради поголема безбедност на гласачите 20 избирачки места се префрлени на други локации бидејќи претходните не ги исполнуваа предвидените услови.

Изборниот процес почна да се реализира и на територијата на Општина Дебрца, каде што се евидентирани 4.422 гласачи кои ќе гласаат на 28 избирачки места.

Гласачките места беа навреме отворени и на територијата на Општина Струга, каде што на 101 избирачкo местo ќе можат да гласаат вкупно евидентирани 60.810 лица со право на глас.