И УТРЕ СТУДЕНО И ВРНЕЖЛИВО Од сабота стабилизација и пораст на температурите

Времето утре ќе биде облачно и студено со повремени врнежи од дожд кои пообилни ќе бидат во југоисточните делови од земјава, соопшти Управата за хидрометеоролошки работи.

Од сабота ќе настапи стабилизација на времето со пораст на дневната температура. За време на викендот ќе биде пооблачно и ветровито, а од понеделник ќе има повеќе сончеви периоди, информираат од УХМР.

Од 12:00 часот денеска е укината забраната за сообраќај на тешки товарни возила на патот Маврово – Дебар, соопшти Јавното претпријатие „Македонија пат“.

Поради врнежи од снег, на овој патен правец од 9:45 часот беше воведена забрана за сообраќај за тешки товарни возила.