И СОЦИЈАЛИСТИТЕ БАРААТ ПРЕДВРЕМЕНИ ИЗБОРИ Сметаат дека оваа влада сама се делигитимирала
„Крајно проблематични се позициите на СДС во застапувањето на цели и интереси кои ни најмалку не се македонски“ – смета Социјалистичката партија.
Социјалистичката партија на Македонија смета дека блокадата на државата и политичката криза води кон уривање на државниот и институционален капацитет во Македонија и затоа повикува на што поскори предвремени парламентарни избори.
„Со немањето чувство за државните и националните интереси СДС и ДУИ и со фијаското во преговарачкиот процес самите се делегитимираа со што потврдија дека не се способни да управуваат и затоа мораат да си одат.
Избори се неопходни веднаш!
Со криминалното и коруптивно однесување СДС и ДУИ свесно ги кочат европските интеграциски процеси и ја подредуваат Македонија под туѓите империјални барања. Само 34 македонски пратеници сакаат да наметнат предавнички решенија на македонскиот народ кој во огромно мнозинство е против уставните измени. Нивната намера која повеќе не ја ни сокриваат е да го заробат парламентот за свои интереси и го одлагаат соочувањето затоа што не се способни за измена на Уставот.
Крајно проблематични се позициите на СДС во застапувањето на цели и интереси кои ни најмалку не се македонски. За оваа политичка партија оддамна не се својствени македонските национални чувства, нивната реторика е празна и најобична и несериозна тафтологија со која членството во ЕУ грубо се злоупотребува исклучиво за теснопартиски и лични цели.
Социјалистичката партија на Македонија, заедно со политичките партии во Коалициајта „Обнова на Македонија“ се за членство во ЕУ, но нема да прифатат уцени за уставните измени и за обезличување на државата, јазикот и народот, особено не да бидат ставени пред свршен чин да поддржат небулозно решение кое е резултат на неодговорниот однос на власта.
Владата на Ковачевски нема никави аргументи за оправдување на пропаднатата политика и за изразеното масовно незадоволство од граѓаните, пензионерите, студентите, земјоделците и работниците. Тие немаат решениија за кризата освен за натамошно крадење и лажење на народот.
Пропадната влада уште сака да прави манипулации, уцени и притисоци за да ја спроведе бугарската асимилаторска стратегија која свесно определените македонски граѓани ја отфрлаат во целост. Октроираниот Ковачевски очигледно е несвесен за состојбите во која ја доведе државата.
Социјалистичката партија на Македонија истакнува дека народот е незадоволен, бара промени и нови избори за да се излезе од државната и уставната криза во која ја внесоа СДС и ДУИ и кои мора да си одат и да одговараат за злоделата кои и ги направија на Македонија“ – се вели во соопштението на СПМ.