И ПО 15 ДЕНА ОД КАТАСТРОФАТА ОДГОВОРИ НЕМА Каде е одговорноста на власта?
Министерството за транспорт и дузина институции се одговорни за низата пропусти и злоупотреби поради кои настана несреќата. Затоа институциите си играат пинг понг со одговорноста исто ккао и со трагедијата со тетовската болница, посочија од партијата.
Поминаа 15 дена од стравичната катастрофа со автобусот на „Беса транс“, а од власта нема ниту одговори, ниту одговорност. Власта на Заев ја замајува јавноста со театри, наместо да понесе одговорност за смртта на 45 лица, порачаа од ВМРО-ДПМНЕ.
„Власта на СДСМ и ДУИ молчи како е возможно без извод од лиценца автобусот на „Беса транс“ да патувал 140 пати на меѓународни тури. Молчат и за тоа како е возможно на кобното патување автобусот воопшто да не бил внесен во системот на Царина. Нема одговри ниту за злоупотребите на регистарските таблички, ниту за тоа кој ја дал хомологацијата, ако се има предвид дека автобусот бил репариран и со зголемен капацитет на 54 патници. МВР, Царина, надлежниот инспекторат за транспорт, Министерството за транспорт и дузина институции се одговорни за низата пропусти и злоупотреби поради кои настана несреќата. Затоа институциите си играат пинг понг со одговорноста исто ккао и со трагедијата со тетовската болница“, посочија од партијата.