Хурем Султан чека второ дете, не откри кој е таткото

Познатата турска актерка Меријем Узерли (36), која се прослави со улогата на Хурем во серијата „Сулејман Величествениот“, го чека второто дете. Таа веќе ја има шестодишната ќерка Лара.

Среќната вест Мерјем ја потврди за турските медиуми.

– Бремена сум пет месеци. Ако сѐ биде во ред, во јануари ќе родам девојче. Лара веќе подолго време посакуваше брат или сестра, пресреќна сум што таа желба наскоро ќе ѝ се оствари. А, и јас сум среќна бидејќи ќе основам сопствено семејство – изјавила Мерјем.

Мерјем Узерли го крие приватниот живот, па така не сакала да открие кој е татко на детето, иако неодамна рекла дека е среќно вљубена.

– Некои работи би ги задржала за себе – изјавила убавата актерка.

ФОТО: Instagram