Младите во време на корона: панични напади, фрустрации, нерасположение, отпор кон онлајн наставата, фобија од заразување…
Според Гордана Николова, координаторка на телефонската линија на ЈЗУ Клиника за психијатрија отворена за потребите на децата и младите во време на пандемијата, најпогодени од целата ситуација се децата на возраст од 10 и 15 години, помалите деца се полесно прилагодливи, а кај адолесцентите и студентите се забележува зголемена фрустрација. „Тие пропуштија животни настани кои се од голема важност за нив, матури, роденденски прослави, забави, екскурзии и слично“, вели Николова.
Од почетокот на пандемијата со КОВИД-19 често можеа да се слушнат коментари од типот на: ‘кутри деца, што ќе биде со нив’ или пак ‘неодговорни тинејџери, само шетаат и им го пренесуваат потоа вирусот на домашните’, или пак ‘заборавивме дека детето ни матурираше, ниту прослава, ниту забава, ниту гости и подароци, да не не потсетеше и ние ќе заборавевме’, или пак ‘ништо не учат, седат на компјутер, легнуваат сабајле, спијат до пладне, а потоа дремат за време на онлајн наставата, не гледаат веќе смисол и поента во ништо, па ниту во учењето и училиштето’.
И навистина, голем дел од проблемите и полемиките се однесуваат токму на тоа дали децата треба да одат во градинка, во училиште и на факултет, дали онлајн наставата добро функционира, дали децата сега минуваат уште повеќе време пред екраните, дали е тоа пат кон уште поголема и потешка зависност од нив, дали се создаваат генерации без планови, желби и идеали?
Во периодот на пандемија на КОВИД-19, ЈЗУ Клиника за психијатрија отвори телефонска линија за поддршка и совети за деца на претшколска и школска возраст, деца со попреченост и адолесценти, како и за нивните родители, а со координаторката на оваа линија, психологот Гордана Николова, разговаравме токму на овие теми.
Целиот текст прочитајте го на порталот „Мајка и дете“.
Фото: Pexels