ХТЛ Македонија донираше дезинфикциски средства во износ од 20.000 евра за ГОБ „8 Септември“

Хуманитарната акција на компанијата ХТЛ Македонија, членка на Групацијата Новоматик во Македонија е на самиот крај.

ХТЛ Македонија донираше дезинфикциски средства во износ од 20.000 евра во ЈЗУ ГОБ „8 Септември“ во Скопје, во која веќе беа донирани и болнички кревети во истиот износ или вкупно, оваа компанија донираше 40.000 евра во соодветна медицинска опрема.

Оваа акција беше спроведена за дел од здравствените институции во кои се лечат заразените од вирусот ковид-19, со цел полесно надминување на предизвиците наметнати од новата реалност.

– Пандемијата која се заканува на нашето здравје можеби ќе трае и подолго, но ова општество треба да извлече една поука а тоа е дека сами како единка не можеме да постигнеме многу, но заедно, сплотени, грижејќи се и помагајќи онаму каде што е потребно ќе нѐ направи посилни и победници од борбата против невидливиот непријател – велат од Групацијата.