Хрватски биолог тврди дека Ковид-19 ќе исчезне на лето, но дека ќе се врати наесен
Професорот објаснува дека големи се шансите вакцината и лековите да не бидат подготвени до есен.
Сите респираторни вируси се повлекуваат на топло време, а истото се очекува да се случи и со коронавирусот, вели Гордан Лауц, професор по молекуларна биологија и биохемија на Природно-математичкиот факултет во Загреб, Хрватска.
Ковид-19 побавно ќе се шири во текот на летото, но тој нема да исчезне целосно, туку наесен повторно ќе се врати.
Тој додава дека Ковид-19 треба да се повлече во текот на летото, но дека тоа нема да биде целосно повлекување.
– Сите вируси се повлекуваат со престанување на грејната сезона, па се очекува истото да се случи и со коронавирусот. Иако гледаме дека има голем број заразени лица низ светот, сепак помал дел од популацијата досега се сретнал со вирусот. Ковид-19 побавно ќе се шири во текот на летото, но тој нема да исчезне целосно, туку наесен повторно ќе се врати. Тогаш поголем дел од популацијата ќе се зарази со вирусот и така ќе стане отпорна на него – тврди Лауц.
Тој додава дека кога станува збор за пронаоѓање вакцина против коронавирусот, науката во светот не е доволно брза за да ја реши оваа загатка. Професорот објаснува дека големи се шансите вакцината и лековите да не бидат подготвени до есен.