🎥 ХРВАТИТЕ ДОБИЈА СЕЛЕКТОР ПО МЕРКА Исланѓанецот Дагур Сигурдсон со еден потег ја „купи“ публиката
Исланѓанецот, кој е прв странец селектор на клупата на хрватската ракометна репрезентација, следејќи го примерот на играчите, со раката на срцето, ја испеа хрватската химна. Неговиот потег брзо се прошири на социјалните мрежи.
Новиот селектор на хрватската ракометна репрезентација Дагур Сигурдсон (50) дебитираше на клупата со победата против Австрија (35-29) во првиот натпревар од квалификацискиот турнир за Олимписките игри во Хановер.
Покрај начинот на кој ја подготвува играта и ги мотивира играчите за време на тајм-аутот, Сигурдсон ги „купи“ и навивачите на хрватската репрезентација со неочекуван потег при интонирањето на националната химна.
Исланѓанецот, кој е прв странец селектор на клупата на хрватската ракометна репрезентација, изрази голема почит кон земјата чија репрезентација ја води, следејќи го примерот на играчите, со раката на срцето, ја испеа хрватската химна. Неговиот потег брзо се прошири на социјалните мрежи.
I izbornik (Islanđanin) je pjevao Lijepu našu sa rukom na srcu. Da i to zabilježimo. Respekt! ❤ pic.twitter.com/U92WhDHyqc
— Andrej (@_andrej45) March 14, 2024
Хрватска со победата против Австрија го направи првиот чекор кон Олимписките игри, а до крај на турнирот им остануваат дуелите со Германија и со Алжир.