Хотелите „Славија“ и „Попова Шапка“ со попусти за сопствениците на ваучери за туризам

Хотелите „Славија“ и „Попова Шапка“ ги прилагодија цените и аранжманите согласно барањата на граѓаните за користење на ваучерите за летување доделени од државата со проектот „Дома си е дома”, информира „Елемтурс“.

За посетителите кои ќе користат ваучер за туризам хотелите обезбедија попусти за летниот период и нудат аранжмани од 4 и 5 полни пансиони за летување на планина.

Од „Елемтурс“ кој стопанисува со хотелите  информираат дека двата хотела  работат според сите протоколи донесени од надлежните државни органи, кои обезбедуваат сигурност за гостите и персоналот.

Оттаму соопштија и дека се вршат подготовки и за следната зимска сезона во ски-центарот, каде од почетокот на оваа година во функција е и новата шестоседа жичара, со која стопанисува „Елемтурс“.