ХОРМОНОТ НА ЉУБОВТА ГИ ИНИЦИРА И РЕГУЛИРА КОНТРАКЦИИТЕ Како да го зголемите нивото на окситоцин за време на породувањето?
За време на породувањето, ослободувањето на окситоцин помага во ублажување на болката и непријатноста – тоа е природен механизам за ослободување од болка.
Окситоцинот се нарекува и хормон на среќата или хормон на љубовта, имајќи предвид дека неговото лачење може да се поврзе со моментите на блискост, како на пример, со прегратки, секс, оргазам, па дури и со озборувањето. Ова е исто така клучен хормон за време на породувањето, бидејќи окситоцинот е тој што ги иницира и регулира контракциите.
Како окситоцинот влијае на породувањето?
Окситоцинот се ослободува во големи количини за време на породувањето. Неговата улога во донесувањето на бебето на светот е повеќекратна и влијае на физичките, но и на емоционалните аспекти на процесот.
Контракции на матката
Окситоцинот е клучен хормон за започнување и регулирање на контракциите на матката за време на породувањето. Како што грлото на матката почнува да се шири и бебето се спушта низ породилниот канал, окситоцинот ги стимулира ритмичките контракции на мускулите на матката. Контракциите играат клучна улога во туркањето на бебето кон породилниот канал и олеснувањето на породувањето.
Повеќе за ова прочитајте ТУКА.