ХЕЗБОЛАХ ЌЕ ЈА ЕСКАЛИРА ВОЈНАТА Отпорот кон Израел ќе стане посилен
Иранската мисија го спореди Синвар со ирачкиот диктатор Садам Хусеин, долгогодишен непријател на Иран, кого американските војници го заробија во 2003 година.
Иранската мисија во Обединетите нации во четвртокот соопшти дека убиството на водачот на Хамас, Јахја Синвар, ќе доведе до зајакнување на „отпорот“ во регионот, неколку часа откако Израел потврди дека го уби Синвар, а либанскиот Хезболах прогласи „транзиција кон нова и ескалаторна фаза“ во војната, пишува Тајмс оф Израел.
Исламската Република сподели фотографија преземена од снимката, снимена од беспилотно летало, од последните моменти на Синвар, на која се гледа како лидерот на тероризмот е слаб и повреден и како фрла стап кон израелскиот дрон за надзор.
Мисијата го спореди Синвар со ирачкиот диктатор Садам Хусеин, долгогодишен непријател на Иран, кого американските војници го заробија во 2003 година.
„Кога американските сили го извлекоа разбушавениот Садам Хусеин од подземна дупка, тој ги молеше да не го убиваат и покрај тоа што беше вооружен. Оние кои го сметаа Садам за свој модел на отпор на крајот пропаднаа. Сепак, кога муслиманите ќе погледнат кон маченикот Синвар – кој стои на бојното поле во борбена облека и надвор на отворено, а не во скривалиште, соочен со непријателот – духот на отпорот ќе се зајакне“, рече мисијата на платформата Икс.
When U.S. forces dragged a disheveled Saddam Hussein out of an underground hole, he begged them not to kill him despite being armed. Those who regarded Saddam as their model of resistance eventually collapsed. However, when Muslims look up to Martyr Sinwar standing on the… pic.twitter.com/S1QUN47y83
— I.R.IRAN Mission to UN, NY (@Iran_UN) October 17, 2024
На Синвар му беа пронајдени околу 40.000 израелски шекели (10.770 американски долари) во готовина, како и документи, вклучително и пасош на наставник на од Газа. Израелската војска соопшти дека тој веројатно се обидувал „да избега северно од Газа, во побезбедни области“.