📽️ ХАОС ВО КУБА Демонстрантите палат канцеларии на Комунистичката партија

Масовни протести избувнаа во Куба во услови на најлошата енергетска криза во историјата на земјата, а демонстрантите запалија канцеларии на Комунистичката партија во неколку градови, објави кубанскиот дневен весник „Инвазор“.

Протестот започна мирно во градот Морон вчеравечер, но ескалираше во насилни демонстрации денеска.

🇨🇺 Protesters in Morón, Cuba set fire to a local Communist Party headquarters during demonstrations over worsening fuel shortages and widespread blackouts. pic.twitter.com/I079P0tbYG

— The Ukrainian Review (@UkrReview) March 14, 2026

Според достапните информации, Куба се соочува со колапс на својот енергетски систем. Во главниот град Хавана, струјата е исклучена до 12 часа на ден, додека некои делови од островот остануваат без електрична енергија до 20 часа во текот на денот.

Енергетската криза предизвика сериозни нарушувања во секојдневниот живот, а ситуацијата е дополнително влошена од недостигот на гориво и растечките проблеми во снабдувањето со храна.

JUST IN: Protests Erupt Across Cuba Over Poverty 🎥 🇨🇺
Widespread demonstrations are taking place in Cuba as citizens protest worsening poverty and declining living conditions, reflecting growing public frustration with the government. pic.twitter.com/1MOiKcEkko

— The Yoruba Times (@TheYorubaTimes) March 14, 2026

Според извештаите од локални извори, електроенергетскиот систем на земјата е под огромен притисок поради застарена инфраструктура, недостиг на гориво за термоцентралите и долгорочни економски проблеми.

Поради честите прекини на електричната енергија, фабриките работат со намален капацитет, додека многу продавници и јавни услуги се принудени да го намалат работното време.

Demonstrations broke out in Morón, Ciego de Ávila, on the night of March 13, 2026. Social media posts provide a glimpse of what happened.https://t.co/KeuPImIfGc pic.twitter.com/nEHHeB6uuv

— havanatimes.org (@havanatimes) March 14, 2026

Жителите во одредени региони наведуваат дека се соочуваат со неколкудневни прекини во снабдувањето со основни прехранбени производи, што дополнително го зголемува незадоволството кај граѓаните.

Во безнадежна ситуација, кубанските власти наводно ја разгледуваат можноста да побараат помош од САД и да започнат директни преговори со Вашингтон.

Аналитичарите проценуваат дека евентуалните разговори меѓу Хавана и Вашингтон би можеле да означат значаен политички пресврт во односите меѓу двете земји, кои со децении се обележани со санкции и длабоки политички несогласувања.