📷 ХАОС ПРЕД СТАРТОТ НА ЕВРОПСКОТО ПРВЕНСТВО! „Триколорите“ во неволја, се зарази цела репрезентација
Килијан Мбапе рече дека постои можност тој да го донел вирусот кој ја покоси француската репрезентација пред стартот на Европското фудбалско првенство во Германија.
Европското фудбалско превенство што од денеска до 14 јули ќе се одржи во Германија, стартува со сериозен проблем, во неволја се најде селекцијата на Франција која е еден од главните фаворити за титулата.
Според француските медиуми, „триколорите“ се во проблеми поради вирусот кој со голема брзина се прошири низ тимот и ја заразил целата репрезентација.
Меѓу болните е и селекторот на Франција, Дидије Дешан, а одредени фудбалери имаат и посериозни проблеми.
Повеќето играчи имаат инфекции на горните дишни патишта, додека некои се борат со грчеви и главоболки. Најлошо помина Кингсли Коман.
Kylian Mbappe misses France training as virus sweeps through the camp on the eve of Euro 2024, with Kingsley Coman and boss Didier Deschamps among those hit by sickness bug: Mbappé finished the season injured and only played… https://t.co/9983sja9Kv #Canada #dailymail #football
— WhatsNew2Day (@whatsn2day) June 13, 2024
Во однос на непредвидената ситуација во француската репрезентација се огласи Усман Дембеле, играчот на ПСЖ. Тој соопшти дека ситуацијата во тимот сега е подобра и рече дека постои можност токму тој да го донесол вирусот во тимот.
– Ми се чини дека ситуацијата е подобрена и дека сме во многу подобра состојба. Во вторникот имав висока температура. Можеби сѐ почна од мене. Сега е подобро, целата екипа е подобра, освен Коман, кој е во малку потешка ситуација – изјави Дембеле.
17.Европско фудбалско првенство почнува вечерва (21 часот) со дуелот меѓу Германија и Шкотска во Минхен во групата А. Селекцијата на Франција првиот натпревар ќе го одигра во понеделник во Дизелдорф против Австрија.