ХАМАС НЕ ГО ДАВА СПИСОКОТ СО ЗАЛОЖНИЦИТЕ КОИ СЕ ЖИВИ Израел ги повлече своите преговарачи

Одбивањето на Хамас да го предаде списокот со имињата на заложниците што сè уште ги држи и кои се живи го попречува напредокот во преговорите за прекин на огнот во Појасот Газа, јавија денеска израелските медиуми.

По повеќе од една недела интензивни преговори, со посредство на Катар, Египет и на САД, Израел вчера ги повлече своите преговарачи.

Кабинетот на израелскиот премиер Бенјамин Нетанјаху соопшти дека треба да се одржат внатрешни консултации за продолжување на преговорите.

Според извештаите, извори на Хамас рекле дека се подготвени да предадат список на заложници кои би можеле да бидат ослободени во првата фаза по прекинот на огнот, но го одбиле барањето на Израел да обезбеди комплетна листа на 100-те заложници кои наводно уште се живи.