Хамас испука нови 130 ракети кон Израел, погодена станбена зграда
Хамас соопшти дека истрелал 130 ракети кон Израел денеска, вклучително и кон центарот на државата, како одмазда за ударот врз повеќекатницата во Газа. Во Тел Авив се огласија сирените за тревога, јавија израелските медиуми.
Можеби ќе ве интересира
Групата соопшти дека нивниот напад е одговор на израелското гранатирање на кулата ал-Шоурук.
Израелски медиуми јавија и за убиено шестгодишно дете во напад на Хамас со ракети во градот Сдерот. Проектилот погодил станбена зграда при што се повредени мајката на детето и уште четири други лица.