ХАКЕРИ УКРАЛЕ РЕЗУЛТАТИ ОД 1,4 МИЛИОНИ ТЕСТОВИ ЗА КОВИД Цел биле податоци на парижани
Податоците ги вклучуваат имињата на граѓаните, нивните броеви за здравствено осигурување и резултатите од тестовите.
Хакери украдоа резултати од 1,4 милиони тестови за коронавирус во Париз, јави ДПА. Поднесена е жалба до обвинителството, соопшти здравствената служба на париските болници.
Можеби ќе ве интересира
Нападот погоди област каде што беа складирани лабораториски податоци за пренос до фондовите за здравствено осигурување и до здравствените власти. Украдените податоци се на луѓе од Париз, кои биле тестирани за коронавирус летово. Податоците ги вклучуваат имињата на граѓаните, нивните броеви за здравствено осигурување и резултатите од тестовите.
Националната база на податоци за резултати од тестови за коронавирус не беше погодена од нападот.