ХАЈЛИ БИБЕР СЕ СОБЛЕЧЕ ГОЛА ЗА НАСЛОВНА Пет години претходно манекенката велеше дека никогаш не би позирала без облека
Манекенката е на насловната на бразилското издание на ICE Magazine, а во интервјуто зборува и за своите бразилски корени
Хејли Бибер ги сними досега најексплицитните фотографии и целосно гола позираше за насловната страница на списанието ICE. Овој потег на 29-годишната манекенка и претприемачка претставува голем пресврт, со оглед на тоа што во 2021 година изјави дека поради својата христијанска вера „никогаш“ не би се фотографирала без облека.
Станува збор за бразилското издание на ICE Magazine, на чија насловна позира целосно гола на плажа. Фотографиите ги направи фотографката Ренел Медрано, а снимањето главно се одвивало во Рио де Жанеиро.
На насловната, 29-годишната манекенка лежи на песокот свртена кон морето, а во раката држи лименка со бразилскиот пијалак Guaraná Antarctica. На други фотографии од серијата е облечена во бикини, додека на една од фотографиите носи проѕирен горен дел и кратки панталони. Фотографиите што ги објави на Инстаграм за кратко време собраа повеќе од 1,3 милиони лајкови.
View this post on Instagram
Она што особено го привлече вниманието е нејзината изјава од 2021 година. Тогаш, во разговор со актерката Ивон Орџи, Бибер зборуваше за својата христијанска вера и за тоа како се обидува да ги усогласи личните убедувања со работата во модата и забавната индустрија. Таа тогаш рече дека не би сакала да биде фотографирана гола, додавајќи дека ја почитува секоја жена која се чувствува удобно со таков тип фотографии.
Во истиот разговор таа објасни дека поради работата понекогаш мора да покажува кожа или да позира во долна облека, што знаело да предизвика критики од луѓе кои сметале дека тоа не е во согласност со нејзината вера. Тогаш зборуваше и за важноста на верата во нејзиниот брак со Џастин Бибер, со кого се венча во 2018 година.
View this post on Instagram
Новото снимање има и лична врска со темата на списанието. Мајката на Хејли, Кенија Деодато Болдвин, е Бразилка, родена во Рио де Жанеиро, а нејзиниот татко е познатиот бразилски музичар и продуцент Еумир Деодато. Токму преку мајчината страна Хејли има бразилско потекло, а во интервјуто за списанието зборува за влијанието на тие корени врз нејзиниот живот.
Фотографката Ренел Медрано, која е и основач и главна уредничка на ICE Magazine, објаснила дека Бразил подолго време ја привлекувал и дека бројни девојки од земјата ѝ се јавувале по објавувањето на претходните изданија. Хејли, пак, во интервјуто вели дека токму на Медрано ѝ верува доволно за да прифати ваков тип фотосесија и дека се чувствува удобно кога фотографката ја предизвикува да се покаже од поинаква перспектива.
Изданието има и хуманитарен аспект. Според објавата на ICE Magazine, дел од приходот од секој продаден примерок ќе биде наменет за Центарот за жени имигранти и бегалци во Сао Паоло, а Хејли се обврзала целосно да ја удвои донацијата на списанието.
На нејзината објава реагираа и бројни познати личности. Меѓу оние кои ја лајкнале се нејзиниот сопруг Џастин Бибер, Ким Кардашијан и Криси Тајген, додека Кајли Џенер, Клои Кардашијан и други пријателки оставија коментари во кои го пофалија изгледот на фотографиите.