ХАЌИМ РАМАДАНИ ОД БРВЕНИЦА ОД ДЕНЕСКА НЕВРАБОТЕН Веќе нема да му текне на државна работа
Поранешниот директор на Државниот инспекторат за локална самоуправа и кандидат за градоначалник на Брвеница, Хаќим Рамадани, потврди дека од денес е невработен и објави дека ќе се обиде да ја продолжи кариерата надвор од државните институции.
Хаќим Рамадани кандидатот за градоначалник на Општина Брвеница од Коалицијата Вреди кој досега ја извршуваше функцијата директор на Државниот инспекторат за локална самоуправа, преку социјалните мрежи објави дека од денес е без работа и дека бара вработување исклучиво во приватниот сектор.
На локалните избори, Рамадани не успеа да победи, неговиот противкандидат од ВМРО-ДПМНЕ, Јовица Илиевски, освои повеќе гласови и ќе ја преземе функцијата градоначалник на Брвеница.
Можеби ќе ве интересира
Премиерот Христијан Мицкоски претходно најави дека Рамадани ќе биде разрешен и од директорската позиција во Инспекторатот.
„Од денес сум невработен. Сум дипломиран економист и барам работа само во приватни компании“, напиша Рамадани на социјалните мрежи.