ГВАРДИОЛА ЗАТАЈУВАЛ ПОЛА МИЛИОН ЕВРА, АНЧЕЛОТИ ДОЛЖЕЛ ЕДЕН ИПОЛ Темната страна на фудбалските менаџери

„Пандорините“ документи, список на документи за таночните затајувања и пералници на пари за познатите светски лидери не ги одмина на познатите фудбалери и нивните тренери. Додека Пеп Гвардиола, познатиот тренер на Манчестер сити затаил пола милион евра, неговиот колега, менаџерот на Мадрит, Карло Анчелоти бил разоткриен дека не платил 1,46 милиони евра данок, па сепак морал да ги плати, јавува МИА.

Според „Ел Паис“, каталонскиот тренер во Шпанија не го пријавил приходот што го заработил во две сезони во катарскиот Ал-Ахли на крајот од играчката кариера. Гвардиола е поврзан со „Repox Investments“, панамска компанија основана во февруари 2007 година. Банка на Андора предложи да се создаде компанијата со цел да се заштити идентитетот на тренерот како сопственик на банкарската сметка.

Пеп инвестираше пари во банката во 2003 година. Ал-Ахли му плаќаше повеќе од 2 милиони евра по сезона. Платата на Шпанецот се чуваше во банка во Андора, сметката која се отвори поради неможноста да се добие дозвола за престој во земја во која тој нема да плаќа данок.

За време на престојот во Барса, Гвардиола криел половина милион евра од шпанската даночна служба. Банкарската сметка во Андора беше затворена во 2012 година кога беше објавена привремена даночна амнестија во Шпанија.

Исто така, во документите се појавува и тренерот на Реал Мадрид, Карло Анчелоти – тој е единствениот корисник на „Vapia Limited“ од Британските Девствени Острови, фирма која управува со правата на слики за 25 милиони евра. Претходно беше објавено дека Италијанецот делумно ја призна вината во случај на неплаќање данок од 1 милион евра и се согласи да ги даде парите. Станува збор за две даночни кривични дела во 2014 и 2015 година. Тренерот должеше 1,46 милиони евра.