„Gulf oil“ апелира: Сите кои ги посетуваат нашите бензински пумпи да ги почитуваат препораките

„Gulf Oil“ испраќа апел до сите граѓани на да ги следат препораките на Министерството за здравство, Владата на РСМ и Светската здравствена организација.

„Воедно ве информираме дека ги презедовме сите мерки за превенција на ширење на вирусот на сите наши бензински пумпи преку дезинфекција на целите објекти и обезбедување средства за дезинфекција и заштита на вработените и на потрошувачите кои вклучуваат заштитни маски, ракавици, средства за дезинфекција и други помагала кои се на располагање на сите потрошувачи, како и на самите вработени.

Дополнително, најголемиот дел од вработените се ослободени од доаѓање на работното место и воведен е нов режим на работа од дома, освен за вработените на пумпите и на транспортните возила на Gulf, за кои се преземени посебни мерки за нивна заштита меѓу кои и посебен распоред на работа“, соопшти компанијата.

Gulf Oil ги прави сите напори за да продолжи да ги снабдува сите свои бензински пумпи и сите клиенти со квалитетни нафтени деривати, како и досега, но со огромно внимание и претпазливост за превенција и заштита. Досега сите активности се одвиваат со нормален ред и без никаков застој.

„Целата наша работа е насочена кон непречено обезбедување на нашите услуги и производи до граѓаните на нашата земја. Ги повикуваме сите граѓани и сите кои ги посетуваат нашите бензински пумпи да ги почитуваат препораките од институциите за да може непречено да се одвива работата на сите компании, како и снабдувањето со гориво во нашата земја, како основен енергетски ресурс“, велат од компанијата.

– Се наоѓаме пред голем и сериозен предизвик од кој можеме да излеземе како победници само и само ако работиме сите заедно и секој еден преземе лична одговорност кон себе и своите блиски во дисциплината на почитување на мерките за заштита. Овие мерки се донесени за доброто на сите нас и ова ќе биде најголемиот тест за нашата грижа едни кон други – порачуваат од менаџментот на компанијата.