„Гугл“ блокираше 164 опасни апликации, проверете ја листата

„Гугл“ блокираше 164 мобилни апликации од „Play Store“, a корисниците сега треба да ги избришат тие апликации кои можат да направат вистински хаос на нивните мобилни телефони, пренесува британскиот „Express“.

Како што е наведено таму, опасните апликации се дизајнирани на тој начин да го имитираат оригиналниот софтвер.

„Се предупредуваат сопствениците на андроид телефони да ги проверат уредите, бидејќи ‘Google‘ штотуку блокираше 164 апликации од ‘Play Store‘. Штетниот софтвер им обезбедува пари на креаторите, го прави бавен телефонот и го ‘бомбардира‘ со несакани реклами“, соопштија експерти од Satori Threat Intelligence.

Софтверот е дизајниран така што ги имитира оригиналните апликации, а досега се измамени над 10 милиони корисници.

Иако „Гугл“ ги отстрани апликациите од „Play Store“, тие и понатаму претставуваат закана, па мора рачно да ги избришете.

„Кога симнувате некоја апликација, погрижете се да ја добиете официјалната верзија. Погледнете ги рецензиите, не само позитивните, туку и негативните коментари“, советуваат експертите.

Целосната листа може да ја погледнете овде, а меѓу најпопуларните апликации се:

– DJ Mixer Studio 2018 • 1милион преземања

– iSwipe Phone X • 5 милиони преземања

– AppLock New 2019 • 1 милион преземања

– 3D Photo Editor • 50.000 преземања

– Wifi Speed Test • 500.000 преземања

– Ringtone maker – Mp3 cutter • 1 милион преземања.