ГРУБИ ПОСТАВУВАЛ СУДИИ ВО ВРЕМЕ КОГА БЕШЕ КОЛЕГА СО ФИЛИПЧЕ Зошто сè уште нема истражна постапка за поранешниот вицепремиер?

Неотворањето истражна постапка против поранешниот вицепремеир Артан Груби, само ја покажува спрегата на ДУИ и СДСМ со правосудството, обвинува ВМРО-ДПМНЕ во соопштение до јавноста. Партијата вели дека Груби поставувал судии и обвинители во пердиод кога бил колега со Венко Филипче, актуелниот лидер на СДСМ, а дека сега правосудството одработува за спас на криминалците.

„Тоа се покажа и потврди и со ставањето на Артан Груби на црната листа на Стејт департментот на САД. Една од причините поради кои Груби се најде на црната листа, е токму заради криминалното мешање во судството, кој зел мито за да влијае на судски одлуки.

Криминалните дејствија успеа да ги види и за нив да обезбеди докази нашиот стратешки партнер САД, но тоа не можат да го видат нашите октроирани и од СДСМ и ДУИ поставени обвинители. Со секој изминат ден во кој нема истражна постапка за утврдување на криминалните дела сторени од Артан Груби, Јавното обвинителство го пробива секое дно и ја поткопува и така ниската доверба од граѓаните.

Неотворањето истражна постапка против Груби, само ја покажува спрегата на ДУИ и СДСМ со правосудството, што го потврди САД со ставањето на десната рака на Али Ахмети на нивната црна листа.

Неотворањето истражна постапка против Груби, само ја покажува спрегата на ДУИ и СДСМ со правосудството, што го потврди САД со ставањето на десната рака на Али Ахмети на нивната црна листа.

На цела македонска јавност сега ѝ е јасно за повиците на ВМРО-ДПМНЕ до судството и обвинителството да почнат да си ја работат работата за кои се платени и да работат по закон. И исто така, македонските граѓани добро знаат дека на таквите повици кога реагираат СДСМ и ДУИ дека тоа било политички притисок, всушност се нивните изблици на страв од губење на контролата и доаѓање на период на одговорност за сторените криминали.

Сите знаат дека драмолетката и циркусот со Уставен суд е, исто така, режија на ДУИ за политичка и медиумска видливост и дефокусирање на јавноста. Сè што СДСМ и ДУИ прават и правеле во изминатиот период, е за да се спасат од одговорноста која им следи за сиот криминал направен изминатите години, и за тоа не бираат средства и ги користат дури и најсензитивните теми, како меѓуетничките односи.

Одговорност за сторените криминали и корупција од страна на челниците на СДС и ДУИ мора да има, а за тоа е потребно само судиите и обвинителите да почнат да работата по закон“, велат од ВМРО-ДПМНЕ.