ГРУБИ ИЗЛЕГОЛ ОД ДРЖАВАТА СО ВОЗИЛО СО ДИПЛОМАТСКИ ТАБЛИЧКИ Со некој бизнисмен се упатил кон Косово
Мојата последна информација е дека подолго време поранешниот прв човек на „Лотарија на Македонија" не се наоѓа на територијата на нашава земја, а дека поранешниот потпретседател на Владата, заедно со уште едно лице стопанственик во возило со дипломатски таблички ја напуштил Македонија и последно се упатил кон нашиот северен сосед Косово, изјави премиерот во гостување на ТВ21.
Поранешниот вицепремиер Артан Груби осомничен во предметот „Државна лотарија“ ја напуштил Македонија во возило со дипломатски таблички, откри премиерот Христијан Мицкоски во гостување во емисијата „Клик Плус“ на ТВ21.
– Мојата последна информација е дека подолго време поранешниот прв човек на „Лотарија на Македонија” не се наоѓа на територијата на нашава земја, а дека поранешниот потпретседател на Владата, заедно со уште едно лице стопанственик во возило со дипломатски таблички ја напуштил Македонија и последно се упатил кон нашиот северен сосед Косово. Тоа е последното со кое јас располагам како информација, вели премиерот Мицкоски.
На прашањето дека кружат информации дека Груби не е во Косово, туку во Тирана, претседателот на Владата Мицкоски рече:
– Јас кажав како ја напуштил државата, на кој граничен премин, и каде се упатил. Но, од таму понатаму како патува, не би можел да кажам.
Премиерот откри дека и има други осомничени во истрагата за злоупотреби во Државната лотарија.
– Вие ме прашувате за поранешниот потпретседател на Владата и директорот на „Лотарија на Македонија”, но не се сами тие таму, тоа е поширока група на осомничени за кои што постои основано сомнение дека сториле кривични дела – вели премиерот.
Надлежен обвинител од Јавното обвинителство побара притвор за Груби и за поранешниот генерален директор на Државната лотарија Перпарим Бајрами.