ГРУБИ ЌЕ ТРЕБА ДА ОБЈАСНИ ЗОШТО Е СТАВЕН НА ЦРНАТА ЛИСТА НА САД Уште многу криминали ќе бидат обелоденети, најави Мицкоски
Јас можам само да кажам дека во периодот којшто следи уште многу потврди на сето она коешто сме го имале како сомневање ќе излезе во јавноста и јавноста ќе биде запознаена, рече премиерот Христијан Мицкоски.
Ние во минатото многу пати зборувавме за сето ова за коешто сега и официјално нашите стратешки партнери, меѓународната заедница го посочува, изјави премиерот Христијан Мицкоски коментирајќи ја вчерашната одлука на Стејт Департментот на САД со која на црната листа ги ставија поранешниот вицепремиер Артан Груби и судијата Енвер Беџети од Апелациониот суд.
– Ги имате таму причините зашто тие практично се дел од оваа листа на санкции. Ние во минатото многу пати зборувавме за сето ова за коешто сега и официјално нашите стратешки партнери, меѓународната заедница го посочува. Јас можам само да кажам дека во периодот којшто следува уште многу потврди на сето она коешто сме го имале како сомневање ќе излезат во јавноста и јавноста ќе биде запознаена – рече Мицкоски.
Мицкоски рече дека тие и уапсените 23 лица во случајот ЕСМ ќе треба да дадат објаснување за сомневањата за кои се товарат.
– Во овој случај во кој имаме еден висок поранешен функционер на Владата и апелационен судија коишто имаат направено сериозно кривично дело според оние тврдења таму и според основаните сомневања за кои се наоѓаат на листата за санкции од страна на САД, тие и оние 23 лица кои денеска се обезбедени ќе треба да дадат објаснување за овие сомневања. За сите имаме обезбедено докази – рече Мицкоски.