ГРОМ ЈА ЗАПАЛИ ФАБРИКАТА ВО ВЕЛЕС Инцидент во „BioCosmos“, „Mirana“ не е зафатена, велат од компанијата

Дел од производствениот капацитет на компанијата „BioCosmos“ бил зафатен од пожар кој избувна вчера како резултат на удар од гром, соопштија официјално од компанијата.

Според информациите, пожарот е под контрола, нема повредени лица, но дел од просториите се оштетени и ќе бидат привремено исклучени од употреба.

„За среќа, нема повредени и ситуацијата е под контрола. Дел од просториите на ‘BioCosmos’ се оштетени и ќе бидат привремено надвор од употреба“, велат од компанијата.

Од „BioCosmos“ упатија уверување до потрошувачите, партнерите и јавноста дека фабриката „Mirana“, која се наоѓа во истиот индустриски комплекс, не е зафатена од пожарот и работи непречено.

„Сакаме јасно да нагласиме дека фабриката ‘Mirana’, која се наоѓа во истиот комплекс, не е зафатена од пожарот и производството таму продолжува нормално“, истакнуваат од „BioCosmos“.

Во моментов, компанијата работи во координација со надлежните институции на процена и санација на штетата, со цел брзо враќање на производството во нормала.

„Во координација со надлежните служби работиме на проценка и санација на штетата за што побрзо враќање на ‘BioCosmos’ во функција. Ви благодариме за разбирањето и поддршката“, стои во соопштението.

Од „BioCosmos“ апелираат до јавноста да се воздржи од шпекулации и дезинформации, нагласувајќи дека сите точни информации ќе бидат споделувани исклучиво преку нивните официјални канали.

ГОЛЕМ ПОЖАР ИЗБУВНА ВО ФАБРИКА ВО ВЕЛЕС Пожарникарите цела ноќ се бореа со огнот