ГРЦИТЕ СЕ „ИСПЛАШИЈА“ ДА ИГРААТ ВО СКОПЈЕ? Реваншот со Партизан ќе го играат во Софија
Мечот требаше да се одигра во Скопје поради инцидентите во салата во Бањица, но ЕХФ подоцна ја смени одлуката. АЕК и Партизан ќе се пресметаат во Софија.
Реваншот меѓу грчки АЕК и српски Партизан во четвртфиналето на ЕХФ ќе се одигра во Софија на 7 април.
Можеби ќе ве интересира
Европската куќа на ракометот двапати ја смени својата одлука. Откако првично реваншот во салата во Бањица во Србија беше одложен поради инциденти, ЕХФ најави дека мечот ќе се одигра на неутрален терен во Скопје, без публика.
Европската федерација потоа ја смени одлуката за Скопје, барајќи терен блиску до двете земји и ја одреди Софија. ЕХФ исто така го одби барањето на црно-белите реваншот да се одигра во Црна Гора.