ГРЦИЈА ПАК СЕ БОРИ СО ОГНОТ Голем пожар во областа Атика кај Атина
Над 50 пожарникари со два пешадиски тима, со 19 возила и со 4 авиони и 6 хеликоптери се обидуваат да го стават под контрола пожарот додека силниот ветер дополнително го отежнува гаснењето.
Грчките пожарникари од копно и воздух се обидуваат да го стават под контрола големиот пожар во ниска вегетација во источниот дел на областа Атика, поширокиот регион на Атина. Огнените јазици се во близина на станбени згради и деловни објекти, а преку порака од бројот за итни случаи 112 беа евакуирани жителите на една населба, јави дописничката на МИА од Атина.
Можеби ќе ве интересира
Противпожарните сили постојано се зголемуваат, интервенираат над 50 пожарникари со два пешадиски тима и 19 возила и со четири авиони и шест хеликоптери, додека пак силниот ветер дополнително го отежнува гаснењето.
Неофицијално, пожарот предизвика материјална штета на неколку објекти.