Грција го отвори граничниот премин „Евзони“
МВР соопшти дека од денеска во 13 часот до 24 мај е дозволен влез во Грција и за македонски граѓани.
Министерството за внатрешни работи соопшти од страна на грчките гранични служби е информирано дека од 13 часот е дозволен е влез во Република Грција на граѓаните од ЕУ, трети земји и граѓани од С Македонија преку ГП ,,Евзони“.
„Според протоколот за влез, граѓаните од ЕУ, од трети земји и од земјава ќе може да оставарат влез во Република Грција преку ГП ,,Евзони“ со негативен ПЦР тест не постар од 72 часа или Сертификат за примени две дози вакцини (14 денови поминати од втората доза вакцина), при што ќе бидат признаени сите сертификати за извршена вакцинација, додека за деца до 5 години не е потребен ПЦР тест“, се наведува во соопштението.
Исто така, останува обврската за електронска пријава на сајтот www.travel.gov.gr (ден пред патување) за обезбедување на ПЛФ (Passenger Locator form) документ.
Оваа мерка ќе се применува до 24.05.2021 година (понеделник), при што граѓаните ќе може да остварат влез во периодот од 07.00 до 23.00 часот (по грчко време), или од 06.00 до 22 часот (по наше време), a за излез од Грција нема ограничувања и ГП Евзони ќе работи 24 часа. Протоколот за товарниот сообраќај останува ист.