„ГРАДОТ ГАЗА Е ОПАСНА БОРБЕНА ЗОНА“ Израелската војска ја прекина тактичката пауза и почна операција за целосна контрола
Во средата, армијата оцени дека евакуацијата на градот Газа е „неизбежна“ бидејќи Израел планира да преземе целосна контрола врз градот, кој го смета за едно од последните упоришта на Хамас.
Израелската војска денеска го прогласи градот Газа за „опасна борбена зона“ и соопшти дека таму веќе не важи „тактичката пауза“, воведена кон крајот на јули за да се овозможи безбеден премин на конвоите на ОН и на хуманитарните организации.
„Од денеска во 10 часот, локалната тактичка пауза во воените активности нема да се применува во градот Газа,“ се наведува во соопштението.
Вооружените сили најавија дека ќе продолжат да „поддржуваат хуманитарни напори, паралелно со воените операции против терористичките организации во Појасот Газа“.
Палестинската цивилна заштита пријави 33 жртви од утрово на таа територија, но израелската армија не го коментираше билансот.
Во средата, армијата оцени дека евакуацијата на градот Газа е „неизбежна“ бидејќи Израел планира да преземе целосна контрола врз градот, кој го смета за едно од последните упоришта на Хамас.