ГРАДОНАЧАЛНИКОТ НА ШТИП ДОБИЛ ЗАКАНИ ПО ЖИВОТОТ Случајот е пријавен во полиција
Станува збор за лице вработено во Општина Штип, кое во минатото е познато на полицијата по вакви случки. Така што оставам на институциите на системот да ја утврдат состојбата – рече Јорданов.
Иван Јорданов, градоначалникот на Штип, вчера добил закана по животот од еден вработен во Општината – потврди самиот Јорданов на прес конференција, додавајќи дека инцидентот го пријавил во полиција.
– Не би сакал да навлегувам во деталите, за да не влијаам во постапката. Идентитетот на сторителот е познат. Верувам во институциите на системот. Сето она што е пријавено СВР-Штип го има веќе како детали. Станува збор за вработено лице во Општина Штип, кое во минатото е познато на полицијата по вакви случки. Така што оставам на институциите на системот да ја утврдат состојбата – рече Јорданов.
Вработениот во општинската администрација ѝ е познат на јавноста по тоа што пред неколку години исто така му се заканувал на поранешен градоначалник на Штип.