📷 ГРАДОНАЧАЛНИЧКАТА НА ЛОС АНЏЕЛЕС БИЛА НА КОКТЕЛ ЗАБАВА КОГА ИЗБУВНАЛЕ ПОЖАРИТЕ Јавноста во САД е бесна на фотките кои испливаа на интернет

Јавноста во САД е бесна откако беа објавени слики од коктел забава на која присуствувала градоначалничката на Лос Анџелес додека разорни шумски пожари избија во градот. Карен Бас била во западноафриканската држава Гана на инаугурација на новоизбраниот претседател Џон Драмани Махама.

Фотографиите се направени само неколку минути пред да биде издадена наредбата за евакуација. Фотографијата на Инстаграм и ЛинкдИн ја објави Мариса Буман, вработена во градот која не беше дел од официјалната делегација.

Таа отпатувала во странство на 4 јануари, а се вратила во Лос Анџелес околу 11 часот на 8 јануари, повеќе од 24 часа по избувнувањето на пожарот, пишува Лос Анџелес Тајмс. Кога се вратила дома, пожарот веќе беснеел низ Лос Анџелес.

Karen Bass was at a cocktail party while the Palisades burned. https://t.co/xjk1BcncKd pic.twitter.com/qgeulSklac

— Eric Spiegelman (@ericspiegelman) January 15, 2025

Портпаролот на градоначалничката рече дека американскиот амбасадор во Гана приредил прием на делегацијата пред групата да замине за САД со воен авион.

– Претседателската делегација беше домаќин на амбасадорот на Соединетите Американски Држави во Гана на пат кон авионот. Градоначалничката беше во другата соба поголемиот дел од времето остварувајќи повици од Лос Анџелес – рече портпаролот Зак Сеидл, мислејќи на воениот лет Бас од Акра до Вашингтон пред тоа се качи на комерцијален лет за Лос Анџелес.