ГРАД СКОПЈЕ ОСТАНА БЕЗ ПРИНТЕРИ Ги потрошиле парите пред да истече договорот, фирмата си ги натовари во камион
Постои договор за изнајмено печатење за поголеми количини материјал за кој поради недомаќинското работење на претходното рaководство во јавната набавка склучена во 2019 година, се исплаќани повисоки средства во вредност од 30% од проценетата врeдност, велат од Град Скопје.
Договорот за изнајмување принтери е спогодбено раскинат поради тоа што парите се потрошени пред истекот на рокот на важноста на договорот, велат од Град Скопје, од каде денеска фирмата „Интек системи“ си ги зела принтерите.
– Град Скопје поседува печатарска опрема во своја сопственост која активно се користи од администрацијата. Од друга страна, постои договор за изнајмено печатење за поголеми количини материјал за кој поради недомаќинското работење на претходното рaководство во јавната набавка склучена во 2019 година, се исплаќани повисоки средства во вредност од 30% од проценетата врeдност – ни одговорија од Град Скопје.
Оттаму додаваат дека новата јавна набавка за таков тип на печатачи е во завршна фаза.
Екипи од фирмата „Интек системи“ со која во октомври 2019 беше склучен договор за тригодишно изнајмување на 31 принтер и нивно одржување, денеска од бараките на Градот ги зедоа принтерите и ги натоварија во камион.