Град Скопје ги потроши парите за субвенции за велосипеди

Поради големата заинтересираност на граѓаните за субвенциите за купување нови велосипеди и исполнување на предвидените средства, Градот Скопје известува дека овој јавен повик е затворен.

Јавниот повик беше објавен на 19 април 2021 година и аплицирањето се одвиваше онлајн.Од објавувањето на јавниот повик досега аплицирале 3.057 граѓани и со тоа, предвидените финансиски средства се исцрпени.

Во Буџетот на Град Скопје за 2021 година за субвенции за велосипеди се предвидени 8,5 милиони денари.

Во изминатите три години, Град Скопје додели над 10.000 субвенции за граѓаните што купија велосипед.