ГРАД СКОПЈЕ КОЧИ КАПИТАЛНИ ПРОЕКТИ НА ЦЕНТАР Герасимовски открива како Арсовска ја блокирала катната гаража во Капиштец

Градоначалникот на Општина Центар Горан Герасимовски на денешниот брифинг со медиуми информираше дека Град Скопје кочи капитални проекти на Општината.

– Од страна на Градот капитални проекти ни се кочат, за коишто се направени проекти, ставени се во програмата, одвоени се буџетски средства, а добиваме негативни мислења од Градот. Конкретно, можам да посочам еден од тие проекти е монтажната гаража во Капиштец, проект кој досега требаше да се реализира, но, за жал по трет пат добиваме негативен коментар од Градот и не можеме да го реализираме. Причината е отпочнување на реализација на булеварот Македонија, оној познат булевар за кој се зборува со децении, кој почнува од Лимак па оди сѐ до Карпош. Станува збор за булевар заради кој треба да има една голема експропријација, со голем број ресторани, кафеани, но и паркинзи – рече Герасимовски.

Тој додаде дека планот предвидувал и поставување фотоволтаици за заштеда на електрична енергија.

– Трипати испраќавме барање до Градот и секогаш добивавме негативен одговор. Имавме и предлог 30 дена пред да почнат со градба на булеварот, ние да ја демонтираме гаражата и да ја преместиме. Не можам да разберам зошто сме одбивани, бидејќи во тој дел од градот навистина се потребни места за паркирање. Тоа не го велам јас, тоа го велат граѓаните на Центар, и тие тоа го бараат од нас – додаде градоначалникот.