Град Скопје ќе даде 3 милиони денари помош за настраданите од земјотресот во Измир

Советот на Град Скопје ќе дадед 3 милиони денари помош за настраданите од катастрофалниот земјотрес во Измир, во кој животот го загубија повеќе од 60, а повредени се околу 900 лица.

Градоначалникот Шилегов на седницата изјави дека Скопје знае што значи солидарноста во време на природни катастрофи и затоа потребата да се помогне на нашите пријатели во неволја е нужна и неминовна.

Тој, до градоначалникот на Измир, Тунч Сојер, упати длабоко сочувство за настраданите и му пожела брзо санирање на штетите и враќање на животот во нормала.