ГОВОРОТ НА ПРВИОТ ЧОВЕК НА ФЕД ГИ СРУШИ ИНДЕКСИТЕ НА ВОЛСТРИТ Инвеститорите ги загрижи најавата за заострување на мерките за пад на инфлацијата
На состанокот на Меѓународниот монетарен фонд, Џером Пауел изјави дека е задоволен од ублажувањето на инфлацијата, но дека не е сигурен дека ФЕД направила доволно.
Берзанските индекси паднаа на Волстрит по изјавата на претседателот на ФЕД, Џером Пауел дека инфлацијата останува висока и дека централната банка може дополнително да ја заостри монетарната политика.
Dow Jones ослабе за 0,65 % на 33.891 поен, додека S&P 500 се падна за 0,81%, на 4.347 поени, а индексот Nasdaq за 0,94%, на 13.521 поен.
На состанокот на Меѓународниот монетарен фонд, Пауел изјави дека е задоволен од ублажувањето на инфлацијата, но дека не е сигурен дека ФЕД направила доволно.
– ФЕД е решен да постави доволно рестриктивна монетарна политика за да ја сведе инфлацијата на целното ниво. Сè уште не сум сигурен дека сме го постигнале тоа – изјави Пауел.
Пауел рече дека инфлацијата е „многу над“ она што ФЕД би сакал да го види.
– Јас и моите колеги сме задоволни од овој напредок, но очекуваме дека процесот на одржливо намалување на инфлацијата на 2% ќе трае долго. Ќе продолжиме да го правиме тоа додека не успееме – рече тој.
До говорот на Пауел, индексите стагнираа, а потоа паднаа.