ГОТОВИ СЕ ИЗМЕНИТЕ НА ЗАКОНОТ ЗА УГОСТИТЕЛСКА ДЕЈНОСТ Следната недела ќе ги разгледува владата
Министерот за економија рече дека измени мора да има бидејќи се покажало дека се злоупотребени измените на законот кои биле направени во 2008 година биле направени, во делот на исполнување на минималните технички услови.
Драфт верзијата на измените за Законот за угостителска дејност ќе биде доставена до владата до крајот на следната недела, изјави министерот за економија и труд Бесар Дурмиши.
Тој рече дека измени на законот мора да има бидејќи се покажало дека се злоупотребени измените на законот кои биле направени во 2008 година биле направени, во делот на исполнување на минималните технички услови.
-Нормално е дека ќе имаме измени на законот во кои ќе предвидиме построги услови и контроли и повеќе казни на сите кои не ги исполнуваат минималните технички услови – рече Дурмиши.
Во однос на тоа дали чувствува одговорност за трагичниот настан во Кочани, се повика на кажаното на прес-конференцијата за трагедијата во Кочани.
– Сите прашања кои беа поставени од новинарите ги одговорив на таа прес-конференција и ја кажав целата процедура како се стигна до одземање на лиценца. Поради тоа што истрагата е во тек не сакам да дадам било каква друга изјава која може да има влијание на процесот. Органите на прогон кога ќе ја завршат истрагата ќе ја известат јавноста – рече Дурмиши.