📽️ ГОРИ ТУРЦИЈА ТРЕТА НОЌ ПО РЕД Протести ги тресат најголемите градови, врие во Истанбул
Протестите, кои се одржуваат и покрај официјалната забрана за јавни собири, добија масовна поддршка од опозициските партии, синдикати и граѓански организации.
Илјадници граѓани излегоа на улиците на Истанбул, Анкара и Измир трета ноќ по ред, барајќи ослободување на градоначалникот на Истанбул, Екрем Имамоглу, кој беше приведен под обвинение за корупција и поврзаност со терористички организации. Турските власти воведоа строги безбедносни мерки, а полицијата употреби солзавец за да ги растера демонстрантите.
Протестите, кои се одржуваат и покрај официјалната забрана за јавни собири, добија масовна поддршка од опозициските партии, синдикати и граѓански организации. Во Анкара, стотици демонстранти се собраа пред седиштето на опозициската Народна републиканска партија (НРП), извикувајќи слогани против владата. Според министерот за внатрешни работи Али Јерликаја, досега се уапсени 97 лица.
BREAKING:
The mass-protests in Turkey continue to grow in strength tonight.
This video is from Trabzon on the Black Sea. With 300 000 inhabitants, it’s Turkey’s 18th-largest city.
— Visegrád 24 (@visegrad24) March 21, 2025
Турскиот претседател Реџеп Таип Ердоган жестоко реагираше, нарекувајќи ги протестите „уличен терор“ и обвинувајќи ја опозицијата за поттикнување немири. „Како што претходно не сме се поклониле на уличниот терор, така и сега нема да попуштиме пред вандализмот“, порача Ердоган.
Судот допрва треба да донесе одлука за судбината на Имамоглу, кој беше меѓу главните кандидати за претседателските избори. Народната републиканска партија, и покрај апсењето, најави дека ќе ја продолжи постапката за негово именување како кандидат.
BREAKING:
Tens of thousands have taken to streets in Istanbul tonight to protest against the arrest of Istanbul Mayor and Turkey’s main opposition leader Ekrem Imamoğlu
— Visegrád 24 (@visegrad24) March 21, 2025
Во меѓувреме, демонстрации се најавени и за вечерва, а ситуацијата останува крајно тензична.
🟡NOW: Massive turnout for anti-government protests now in Istanbul, Turkey. Other cities are also seeing large protests. Opposition parties and organizations had vowed beforehand to mobilize “millions.” pic.twitter.com/yQi9NgxeBt
— red. (@redstreamnet) March 21, 2025