Гори магацин за хартија во белградската населба Дорчол
Српското Министерство за внатрешни работи информира дека засега нема повредени во инцидентот.
Во белградската населба Дорчол рано изутринава се запали магацин. Густ црн чад се издигна над населбата и може да се забележи од голема оддалеченост.
Според првичните информации на Министерството за внатрешни работи, засега нема повредени во инцидентот.
Можеби ќе ве интересира
Станува збор за приватен магацин во кој главно се складира хартија и картони.
Повремено пука стакло и се слушаат помали детонации. Реонот е блокиран, а во тој дел од градот е создаден метеж бидејќи полицијата го пренасочува сообраќајот.
На местото на пожарот се наоѓаат 13 пожарникарски возила и 46 пожарникари кои се обидуваат да го изгаснат големиот оган.