ГОРЕЛЕ РЕГИСТРИ И ШИНА ЗА КАБЕЛ ВО МИНИСТЕРСТВОТО ЗА КУЛТУРА Пожарот е брзо изгаснат, обвинителството врши увид
Се запалиле 2-3 регистри и шина за кабел во една просторија во министерството, при што местото беше задимено, но пожарот брзо изгаснат, информирааат од Пожарната. Од Министерството потврдија дека избил пожар, но дека брзо бил угаснат со ПП апарат. Екипа од Јавното обвинителство врши увид за да се утврдат причините.
Мал пожар избувнал денеска во Министерството за култура, според соопштението од оваа институција, и бил изгаснат веднаш од вработените со ПП апарат, а според протоколите за работа сите биле евакуирани навремено.
Можеби ќе ве интересира
„Беше повикана Противпожарната служба и екипа на Министерството за внатрешни работи, како и екипа од Јавното обвинителство кои вршат увид за утврдување на причините за пожарот и евентуално причинетата штета“, наведува во соопштение Министерството за култура.
На местото пристигнало едно противпожарно возило со четворица пожарникари.
„Се запалиле 2-3 регистри и шина за кабел во една просторија во министерството, при што местото беше задимено, но пожарот брзо изгаснат“, информирааат од Пожарната.