🎥 ГОЛЕМ ПОЖАР ВО ТРАФОСТАНИЦА ВО ЛОНДОН Затворен е аеродромот Хитроу, авионите се пренасочуваат

Десет противпожарни возила и околу 70 пожарникари се борат со пожар во трафостаница во Хејс, кој е дел од Лондон.

Половина од трансформаторите во трафостаницата уште горат.

Помошникот командант Пат Гулбурн рече дека ова е многу голем инцидент, а 70 пожарникари неуморно работат во тешки услови за да го стават пожарот под контрола што е можно побрзо.

– Пожарот предизвика прекин на електричната енергија во голем број домови и локални бизниси. Пожарникарите евакуираа 29 лица од соседните имоти и беше воспоставен кордон од 200 метри како мерка на претпазливост, при што беа евакуирани околу 150 луѓе. Поради големиот чад, ги советуваме жителите да ги држат прозорците и вратите затворени. Операторите во контролниот центар примија повеќе од 200 повици и даваат клучни упатства и ја смируваат јавноста. Ова ќе биде долготраен инцидент. Како што влегуваме во утрото, се очекува потешкотиите да се зголемат, па ги повикуваме луѓето да ја избегнуваат областа ако е можно – додаде тој.

Heathrow Airport and the surrounding area has been hit by a power outage because of a fire at a substation in Hayes. The fire is around 1.5 miles from the airport. pic.twitter.com/KBIRghHtxB

— Sky News (@SkyNews) March 21, 2025

Пожарникарите биле повикани во 23:23 часот, а екипите од Хејс, Хитроу, Хилингдон, Саутхол и околните противпожарни станици биле испратени на местото на настанот.

Британскиот аеродром Хитроу соопшти дека ќе биде затворен цел ден денеска, бидејќи е без струја.

„За да ја одржиме безбедноста на нашите патници и колеги, Хитроу ќе биде затворен до 23:59 часот на 21 март“, соопшти аеродромот Хитроу во објавата на X, додавајќи дека на патниците им се препорачува да не доаѓаат на аеродромот.

Според веб-страницата за следење летови FlightRadar24, најмалку 120 дојдовни летови до Хитроу морале да бидат пренасочени кон други аеродроми. Вкупно 1.351 авиони требаше да слетаат и полетаат од Хитроу денеска.

London-Heathrow will be closed for ALL of Friday due to a “significant power outage” caused by a fire in an electrical substation.

There are currently 120 aircraft in the air that will be diverting to alternate airports or returning to their origins. https://t.co/TEHf2kJO23 pic.twitter.com/Lot0lsJLz8

— Flightradar24 (@flightradar24) March 21, 2025

Повеќе од 16.300 домови останаа без струја поради голем прекин на електричната енергија, објави на X добавувачот на енергија „Scottish and Southern Electricity Networks“.

Компанијата ги повика сите кои зависат од електрична енергија за медицински потреби и имаат потреба од помош да се јават.