ГОЛЕМ ПОЖАР БЕСНЕЕ ВО БИТОЛА Гори кровната конструкција на фабриката (ВИДЕО)

Голем пожар изби попладнево во фабриката за брашно „Жито Битола“. Во гаснењето учевствуваат две пожарникарски возила и седум пожарникари, а на помош пристигнуваат уште девет пожарникари.

Засега нема информации за причината за пожарот. Командирот на Противпожарната служба во Битола вели дека сè уште нема точни информации за тоа како избувнал пожарот.

-Пожарот беше пријавен во 17.25 часот и веднаш интервениравме. Нашите пожарникари се на терен и се гасне пожар кој според првичните информации е во непосредна близина на силосите и е во насока кон индустрискиот дел, односно поранешно „Фринко – изјавија од Територијалната против пожарна единица во Битола.

Од МВР потврдија дека не се пристигнати информации за жртви или повредени лица во пожарот.

За причините и последиците од пожарот ќе биде поведена истрага.

Првичните информации се дека пожарот е многу силен, а веќе е зафатена и кровната конструкција. Полицијата го обезбедува местото и им укажува на луѓето кои сведочат да се тргнат на безбедна далечина.

Фабриката работи како млин и произведува бели печива.