Годинава речиси двојно се намалил увозот на половни возила

Увозот на употребувани моторни возила во земјава во првите 9 месеци е значително намален, соопшти Царинската управа.

„Лани во овој период се увезени повеќе од 26.000 половни патнички возила, а оваа година се увезени околу 11.000 возила, што претставува намалување од 42%. Падот на увозот на половни возила во најголем дел е резултат од воведувањето на механизмите во новиот Данок на моторни возила чија цел беше спречување и демотивирање на граѓаните за купување половни возила со високи емисии на СО2, што веќе се покажува и во пракса. Ова значи помал влез и користење на возила кои драстично го загадуваа воздухот во Република Северна Македонија“, се наведува во соопштението од Царина.

Увозот, пак, на нови патнички возила е намален за 18%. Лани во првите 9 месеци биле увезени повеќе од 6.300 нови возила, а оваа година се увезени околу 3.800 возила.

И покрај намалениот број на увезени возила, приходите остварени со примената на новиот Данок на моторни возила кој ја замени акцизата, бележи позитивна разлика во приходот за над 280 милиони денари или 4,5 милиони евра повеќе во однос на лани истиот период, што претставува пораст од над 50%, додаваат од Царината.