Гоце Бумбароски: Децата не Ве слушаат, тие Ве имитираат!
„Оваа учебна година јас држам комбинирана настава во три смени, а Националната платформа, која беше спектакуларно најавувана, не се покажа како успешен проект. Онлајн наставата сега се реализира преку познатата апликација Microsoft Teams“, вели еден од најпознатите и најкреативни наставници во државава од чии часови, како што се зборува, учениците не сакале воопшто да си одат дома
Гоце Бумбароски е наставник во најтрофејното училиште во Македонија, ООУ Кочо Рацин – Прилеп, а во образованието работи околу 15 години, од кои 5 – на битолскиот универзитет.
„Како магистер по менаџмент во образованието многу лесно ја прифатив промената во работењето со студенти со работа со ученици од прво до петто одделение. Морам да признаам дека работата со ученици има своја магија, своја убавина и посебен шмек. Моите претходни искуства од работењето како асистент/демонстратор и студентски правобранител на битолскиот универзитет многу ми помогнаа во работењето како наставник уште од првиот ден. Можеби токму од таму ја црпам креативноста“, вели Бумбароски кој во јавноста стана познат по неговите креативни и нестандардни часови поради кои учениците не сакаат да си одат дома. Кога ќе забележи дека часот им станува здодевен и ги фаќа дремка, ги станува од клупите, па прават вежби. Кога се гладни, им дава да јадат, а понекогаш им ја препушта катедрата, па тие се наставници. На своите ученици не им дава ниту домашни задачи, туку домашни активности. Со него стапивме во контакт преку Фејсбук страницата „Наставник Гоце“, каде што одвреме-навреме споделува што сработиле неговите ученици, но и своите ставови.
Целиот текст прочитајте го на порталот „Мајка и дете“.