ГО ВООДУШЕВИ СВЕТОТ СО СВОЕТО ПЛЕТЕЊЕ Ова се најдобрите дела и џемпери на олимпискиот шампион (ВИДЕО)

Тој плетеше специјален џемпер за својата земја, но и „кутија“ за медалот. Дејли објасни дека тоа му помага да се ослободи од стресот.

Од плусинфо Објавено 09/08/2021 14:31:53

Том Дејли, британскиот скокач во вода, засекогаш го промени овој спорт на Островот, а неговите постапки и достигнувања продолжуваат да ја воодушевуваат јавноста.

Секој обожавател кој внимателно ги следеше Олимписките игри и овој шампион во скокови во вода, не можеше а да не ѕирне во неговиот Инстаграм профил и да ги погледне неговите плетени дела. Патем, Дејли освои златен медал во синхронизирани скокови во вода.

sempat plak die nk knitting si Tom Daley ni ea…😂 pic.twitter.com/axc9DT3foC

— Eirzarra (@aYaYo0nG) August 1, 2021

Тој стана хит кога камерата го фати како плете на трибините. Тоа го направи неколку пати за време на Игрите. Тој плетеше специјален џемпер за својата земја, но и „кутија“ за медалот. Дејли објасни дека тоа му помага да се ослободи од стресот.

Како што вели самиот спортист со плетењето започнал минатата година за време на карантините на почетокот на пандемијата со коронавирусот. Тој неодамна отвори профил на Инстаграм наречен „Made with Love by Tom Daley“ каде постојано ги објавува своите дела, но и ги продава, а парите ги донира во добротворни цели.

Од џемпери, маици, костими за капење (да, тој прави плетени костими за капење) до облека за кучиња и мачки, Том се покажа како одличен уметник во плетењето облека. Овој татко на едно момче, кое го воспитува со својот долгогодишен партнер Дастин Ленс Блек, покрај спортот, стана и модна икона.

Погледнете ги неговите дела: